Sarah Chrisya Avstraliyanın Melburn şəhərində yaşayan əslən İndoneziyalı 25 yaşlı gənc qızdır.
Bu gün Sarah haqda yazmağımızın səbəbi onun atdığı qeyri-adi, bir az kədərli, digər tərəfdən də çox maraqlı və sevgi dolu addımdır.
Gənc qız atasının vəfatından sonra onun “keçdiyi yolu” keçmək qərarına gəlib. Bunun üçün o, atasının Melburn ətrafında çəkdiyi fotoşəkillərdən istifadə edib. Sarah atasının gəzib gördüyü yerlərdən keçir və onun verdiyi “pozarla” şəkillər çəkdirir. Beləcə, o, özünü atasına daha yaxın hiss edir.
Atamı itirdikdən sonra onunla çox az vaxt keçirdiyimi anladım. Məhz onu daha yaxşı tanımaq, hiss etdiklərini anlamaq üçün Melburnda onun olduğu, keçdiyi yerlərə getdim. Əvvəl atamın yoxluğu məni qorxudurdusa, indi onu daim xatırlayır, məni çox sevdiyini, onu çoxsevdiyimi bilirəm.
Sarah Chrisya
