İstedadlı azərbaycanlı fotoqraf Elay Mikayıl.
Instagram geniş miqyasda yayılmağa başladığı dövrdə onlarla, hətta yüzlərlə azərbaycanlı fotoqraflar da şəkillərini paylaşmaq üçün daha gözəl bir fürsət əldə etdilər. Təbii ki, bir çoxları üçün də yeni bir başlanğıc və həvəs olmağa şərait də yaratmış oldu.
Bu dəfə ki, instagram qəhrəmanımız @supertrampel, real adıyla Elay Mikayıl‘dır. Özünü küçə fotoqrafı kimi tanımlayan Elay, 1989-cu ildə anadan olub, ixtisasca Tarixçi-Arxeoloqdur.
Elay Mikayıl: Fotoqrafiya ilə iki ildir ki, məşğulam. Əvvəllər təbiəti daha çox çəkirdim, sonradan özümü küçə fotoqrafiyasında sınadım və daha çox özümü bu janrda tapdım.
-Şəkil çəkərkən ən çox qarşılaşdığınız problemlər nələrdir?
Şəkil çəkərkən üzləşdiyim ən böyük problem, məncə bizim bütün fotoqrafların ortaq problemi olan “kamera fobiyasıdır”. Bəzən bir kadrı çəkmək üçün gözləyirsən kimsə gəlsin və məhz gözlədiyin yerdən keçsin, gəlir və çəkmək istədikdə yolunu dəyişir ki, kadra düşməsin. Halbuki gözlədiyim adam məhz o idi. Yaxud çəkəndə soruşurlar niyə çəkirsən, harda yayımlayacaqsan kimi suallar verib, narahatlıq hissi keçirirlər.
-Nəyi və ya harada şəkil çəkməyi daha çox istərdiniz?
Olmaq istədiyim xüsusi bir yer desəm məncə düz olmaz, əsas istədiyim düzgün zamanda düzgün bir yerdə olmağdır.
Elay Mikayıl‘ın qalereyasından fotolar: