Türkiyəli aktyor Kıvanç Tatlıtuğ, Hollywood’un məşhur aktyorları Robert Downey Jr, Liam Neeson və Tom Hiddleston ilə birlikdə UNICEF-in təhsil kampaniyasına dəstək olub.
Avropa Birliyi və UNICEF-in dünya çərçivəsində böhranlar səbəbindən təhsil ala bilməyən uşaqlar üçün başlatdığı birgə #EmergencyLessons (#Fövqəladəvəziyyətdədərslər) kampaniyasına ‘UNICEF Türkiyə’nin xoşməramlı səfiri Kıvanç Tatlıtuğ’dan da dəstək gəlib.
Kıvanç Tatlıtuğ, UNICEF-in 70 illiyində öz uşaqlıq fotoşəkilini paylaşaraq belə əhəmiyyətli kampaniyaya dəstək olub.
Kıvanç mesajında, “Bu gün dünyada milyonlarla uşaq məktəbə gedərkən, çox təəssüf ki bir o qədəri də gedə bilmir ya da təhsillərini çox çətin şərtlərdə davam etdirməyə çalışırlar. Təhsil hər bir uşağın haqqıdır. Onların gələcək ümididir’ deyə yazıb.
