Leonardo Di Caprio ilə baş rollarını birgə oynadığı ‘The Wolf of Wall Street’ filmiylə tanınan və son olaraq ‘Suicide Squat’ filmiylə daha da məşhurlaşan Avstraliyalı aktrisa Margot Robbie, İngiltərəli rejissor sevgilisi Tom Ackerley ilə Avstraliyada evlənib.
26 yaşındakı aktrisa, üç il birlikdə olduğu sevgilisi ilə doğulduğu Dalby şəhrinin Qızıl Sahil adlanan bölgəsində təşkil olunan mərasimlə evliliklərini rəsmiləşdiriliblər.
Mərasimə qatılan şəxslərdən biri, Avstraliyanın Women’s Day jurnalına müsahibəsində, “Qızıl Sahil, Margot’ın nənəsinin yaşadığı kəntdir. Və Margot’ın arzusu bu kəntdə yaşamaq və övladlarını burada böyütmək olub. Tom İngiltərədə evlənmək istəyirdi ancaq Margot üçün doğma kəndində evlənməyin nə qədər əhəmiyyətli olduğunu bildikdən sonra bunu müzakirə belə etmədi ” deyə bildirib.
Margot Robbie, Instagram hesabında yayımladığı Tom Ackerley ilə öpüşdüyü fotoşəkildə təkqaş üzüyünü göstərərək evləndiyini açıqlayıb.
Xatırladaq ki cütlük, keçən ilin yayında nişanlanmış ancaq onda da evlilik planlarını mətbuatla paylaşmamışdı.
