Dünyanın ən yaşlı qadını 117 yaşını qeyd edib

Dünyanın ən yaşlı qadını Emma Morano İtalyanın şimalındakı evində 117-ci doğum gününü qeyd edib.

Verbania qəsəbəsində yaşayan Morano’nu doğum günündə dostları, qonşuları və həkimi tək qoymayıblar.

Emma Morano, şamlarla üzərinə 117 rəqəmi yazılan doğum günü tortunu üfürüb.

Emma Morano, “117-ci yaş günümü qeyd etdiyim üçün xoşbəxtəm” deyə söyləyib.

1899-ci ildə doğulan İtalyalı qadın dünyanın ən yaşlı insanı ünvanına sahibdir. 3 fərqli əsrdə yaşayan Emma Morano, iki Dünya müharibəsi və 90’dan çox İtalyan hökuməti görüb.