Mövsümün ikinci ən böyük Cüdo turniri yekunlaşdı | İdmançılarımızdan son gündə daha 3 medal

Ümummilli lider Heydər Əliyev adına cüdo üzrə “Böyük Dəbilqə” beynəlxalq turnirinə yekun vurulub.

Yarışın sonuncu günü Azərbaycan millisi aktivinə daha 3 medal yazdırıb.

90 kq çəki dərəcəsində təmsilçimiz Məmmədəli Mehdiyev və 100 kq çəki dərəcəsində mübarizə aparan Elmar Qasımov ölkəmizə gümüş medal qazandırıblar.  Bu çəkidə qaliblərə mükafatı Azərbaycan Cüdo Federasiyasının prezidenti Rövnəq Abdullayev, Azərbaycan Cüdo Federasiyasının vitse-prezidenti Sadıq Sadıqov və Olimpiya çempionu Nazim Hüseynov təqdim ediblər.

100 kq çəki dərəcəsində çıxış edən Elxan Məmmədov isə bürünc medala sahib olub.

Bununla da, “Böyük Dəbilqə” turnirində millimiz 1 qızıl, 2 gümüş və 4 bürünc medal qazanıb.