AirPods’larda ilk problem

Apple’ın Sentyabr ayında tanıtdığı iPhone 7’nin naqilsiz qulaqlığı AirPods ilə əlaqədar ilk problem ortaya çıxıb.

iPhone 7’də qulaqlıq girişini ləğv edərək bir ilkə imza atan Apple’ın yeni məhsulu AirPods’larda enerji yükləməsi problemi olduğu iddia edilir.

Son günlərdə sosial şəbəkələrdə AirPods istifadəçilərinin məhsul ilə bağlı şikayətləri artıb. İstifadəçilər yeni enerji yükləmələrinə baxmayaraq məhsulun tez bir müddətdə 40 faiz enerjisini itirdiyini iddia edir.

Qeyd edək ki, sözü gedən məhsul telefonun üzərində hədiyyə olaraq yox ayrıca təxminən 400 azn qiymətə satılır.

Apple, yaranan bu iddialar ilə bağlı hələ ki heç bir rəsmi açıqlama etməyib.