Dünyanın ən isti yerlərindən biri kimi göstərilən Ərəbistan yarımadası misli görünməmiş soyuq hava kütləsinin təsiri altına girib.
Birləşmiş Ərəb Əmirlikləri (BƏƏ) meteorologiya baş idarəsinin verdiyi məlumata görə, ölkənin Ras El-Khayma əmirliyinə qar yağıb.
Küveytin El-Anbaa qəzetinin xəbərinə görə, yayın ən yüksək temperaturu müşahidə olunduğu bölgədə şimal-qərb küləyinin sürəti saatda 40-45 kilometrə çatıb, bunun nəticəsində hava istiliyi səhər saatlarında bəzən sıfırın altına enib.
إزدياد شدة تساقط #الثلوج على #جبل_جيس حالياً #الوطني_للأرصاد pic.twitter.com/oiXKyKTQ3f
— المركز الوطني للأرصاد (@NCMS_media) February 3, 2017
Şiddətli külək, Fars Körfəzinin bütün sahil şəhərlərində müşahidə olunur. Oman və BƏƏ-də bəzən külək sürəti saatda 60 kilometri keçir.
Pis hava üzündən BƏƏ-nin Dubay, Abu Dabi və digər şəhərlərində parklar, gəzinti bölgələri və açıq hava əyləncə yerləri bağlanılıb.
Bölgədəki qeyri-adi soyuq hava 5 gün daha təsirini saxlaması gözlənilir.
