Futbol

Bu dəfə də alınmadı | ‘Qarabağ’ Avropada mübarizəni dayandırdı

169views

Bu gün UEFA Avropa Liqasının qrup mərhələsində sonuncu turun oyunları keçirir.

J qrupunda “Qarabağ” Bakıda “Fiorentina”nı qəbul edib.

60-cı dəqiqədə Matias Veçino qonaqları sevindirib. 73-cü dəqiqədə rəqib qapıçı ilə təkbətək qalan Reynaldo fürsəti əldən verməyib. Lakin 3 dəqiqə sonra Federiko Kyezo Ağdam təmsilçisinin müdafiəçilərinin səhvini bağışlamayıb – 1:2.

84-cü dəqiqədə F.Kyezo qırmızı vərəqə alaraq italyanları azlıqda qoysa da, “Qarabağ” oyunun taleyini öz xeyrinə dəyişə bilməyib.

Beləliklə, “Qarabağ” növbəti mərhələnin bir addımlığında büdrəyib. Bu qrupdan 1/16 finala “Fiorentina” və PAOK vəsiqə qazanıb.