ABŞ-da Harvard Universiteti tərəfindən “Əvvəl güldürmək, sonra düşündürmək” məqsədi ilə elm araşdırmalarına verilən “İg Nobel Mükafatları” sahiblərinə təqdim olundu.
26’cı dəfə keçirilən mərasimdə bialogiya bölməsi üzrə mükafatı “Keçi insan” adı ilə məşhurlaşan tədqiqatçı Tom Thwaites qazandı.
Thwaites, modern həyatın stresindən qaçmağın yollarını axtararkən getdiyi dağlarda, tanış olduğu keçilərə qarşı xüsusi sevgisinin yarandığını söylədi.
Thwaites, qazandığı mükafatı bir vaxtlar özü kimi porsux, maral, tülkü və quş kimi yaşamağa cəhd edən Charles Foster ilə bölüşdü.
Qeyd edək ki, keçən il Salford Universitetindəki dostları ilə birlikdə özünə keçi ayaqlarına bənzəyən protezlər düzəldən Thwaites, 3 gün boyunca Alp dağlarında dağ keçiləri ilə birlikdə yaşamışdı.
Tədqiqatdan sonra danışan Thwaites, “Qayalıqlar üzərində gəzərək keçilər ilə birlikdə kilometrlərlə yol qət etdik. Ancaq onlar daha sürətli idilər və məni tozda qoydular. Günümün yarısını onlara çatmaq üçün çalışdım, gec də olsa onları tapa bilirdim. Yalnız yumşaq otlar üzərində özümü biraz rahat hiss edirdim. Dağın başından aşağıya doğru enmək isə inanılmaz qorxulu idi, hər tərəf qayalıq və yıxılsam əllərim taxtalara bağlı olduğu üçün heç bir yerdən tutuna bilməyəcəkdim” deyə bildirmişdi.
